د امریکا په مشرانو جرګه کې د جمهوري غوښتونکو مشر جان ټون وایي، که څه هم د ایران اټومي پروګرام د پام وړ محدود شوی، خو دا لا هم “په بشپړه توګه لهمنځه نهدی تللی.”
نوموړي دغه څرګندونې تیره ورځ د خبري غونډې پر مهال وکړې. ټون زیاته کړه: “موږ په ډاډ سره نه شو ویلی چې د ایران اټومي هڅې ټولې ختمې شوې دي، خو واضح ده چې دا پروګرام شاته تمبول شوی دی.”
د ایران اټومي پروګرام له کلونو راهیسې د نړیوالې اندېښنې یو مهم ټکی پاتې شوی، او د امریکا متحده ایالاتو په ګډون، ګڼ هېوادونه هڅه کوي چې ایران د اټومي وسلو له جوړولو راوګرځوي.
د جان ټون دغه څرګندونې په داسې حال کې مطرح کېږي چې د ایران او لوېدیځ ترمنځ د اټومي تړون د بېرته فعالېدو لپاره هڅې دوام لري. کارپوهان وایي، که څه هم د ایران اټومي فعالیتونه محدود شوي، خو لا هم یو شمېر مهمې برخې یې شفاف نه دي.
د امریکا کانګرس ځینې غړي ټینګار کوي چې باید له ایران سره د هر ډول تړون پر مهال د قوي څارنې میکانیزمونه رامنځته شي، تر څو ډاډ ترلاسه شي چې ایران د اټومي وسلو په لور نه ځي.
