د پاکستان د صدراعظم مرستیال او د بهرنیو چارو وزیر، محمد اسحاق ډار، به نن د کابل ته یو ورځنی رسمي سفر وکړي. نوموړی به د ازبکستان-افغانستان-پاکستان (UAP) د رېل پټلۍ پروژې لپاره د ګډ امکان سنجونې د چوکاټي هوکړهلیک لاسلیک کړي.
د بهرنیو چارو وزارت په یوې اعلامیه کې راغلي، چط په دغه سفر کې د بهرنیو چارو وزیر سره یو لوړ پوړی حکومتي پلاوی مل دی.
اعلامیه زیاتوی، چې د سفر پر مهال، د پاکستان د بهرنیو چارو وزیر به د افغانستان له سرپرست بهرنیو چارو وزیر سره جلا لیدنه وکړي، او همداراز به د افغانستان د سرپرست رییس الوزا سره هم وګوري. په دې لیدنو کې به د دوه اړخیزو اړیکو، سیمهییزو مسایلو او نړیوالو پرمختګونو په اړه خبرې اترې وشي.
د یادونې وړ ده، چې د UAP رېل پټلۍ پروژه یوه ستره سیمهییزه ابتکار دی چې موخه یې د ازبکستان، افغانستان له لارې له پاکستان سره د رېل پټلۍ اړیکه جوړول دي. دا به نه یوازې د مرکزي آسیا هېوادونو لپاره د پاکستان بندرونو ته د لاسرسي نوې لارې پرانیزي، بلکې د ترانزیټ، سوداګرۍ او اقتصادي همکاریو له لارې به د سیمې ثبات، پرمختګ او پراختیا ته هم وده ورکړي.
