د اسراییل ټایمز د راپور له مخې، له ۳۰۰ زرو څخه ډېر اسراییلیان په تلابیب کې راټول شوي او د جګړې د پراخېدو پر ضد یې لاریون کړی دی. لاریونوالو د اسیران شویو کسانو د ازادۍ غوښتنه وکړه او د دولت پر پرېکړو یې اعتراض څرګند کړ.
زرګونه کسان د اسراییل له بېلابېلو سیمو تلابیب ته تللي وو، څو د بندیانو شویو کسانو له کورنیو سره خپل یووالی څرګند کړي. د بندیانو شویو او ورکو شویو کسانو د کورنیو ټولنې د پولیسو د اټکل پر بنسټ ویلي، یوازې د یکشنبې په ماښام له ۲۲۰ زرو زیات کسان د اسیران شویو کسانو په میدان او شاوخوا سړکونو کې راټول شوي وو.
د غونډې تنظیموونکو د زمري په ۲۵مه اعلان وکړ، چې تمه کېږي نږدې یو میلیون کسان د تلابیب په مرکزي میدان کې د دغه حرکت برخه شي، او لسګونه زره نور کسان په اسراییل کې په سلګونو نورو ځایونو کې ورته غونډو ته یوځای شي.
