د یکشنبې په ماښام د ریښتر په کچه ۶.۱ درجې زلزلې د ترکیې د شمال لوېدیځ بالیکیسیر ولایت ولړزاوه. د ترکیې کورنیو چارو وزیر علي یرلیکایا په وینا، په دې پېښه کې تر دې دمه یو کس ژوند له لاسه ورکړی او ۲۹ نور ټپیان شوي دي.
د چارواکو په وینا، د ژغورنې او لټون عملیات لا هم روان دي او تر اوسه د ۱۶ ودانیو د نړېدو خبر ورکړل شوی دی. د زلزلې له امله ځینې سړکونه او زیربناوې هم زیانمن شوي دي.
د بالیکیسیر سیمه د ترکیې له هغو سیمو ده چې له زلزلو سره مخینې لري، او چارواکي له خلکو غوښتنه کړې چې د احتمالي پسلرزو پر مهال له احتیاط څخه کار واخلي.
