د ملګرو ملتونو د امنیت شورا اعلان کړی چې د سپټمبر په میاشت کې به د افغانستان په اړه ځانګړې غونډه ترسره کړي. په دې غونډه کې به د یوناما مشرې روزا اوتونبایوا خپل وروستی راپور وړاندې کړي، او د مدني ټولنې استازي او د بشري حقونو عالي کمېشنر هم ویناوې وکړي.
د ملګرو ملتونو د امنیت شورا ویلي، چې په افغانستان کې د بشري مرستو رسولو هڅې د ګاونډيو هېوادونو څخه د افغان کډوالو د دوامدارو اېستنو له امله نورې هم ستونزمنې شوې دي.
د کډوالو نړۍوال سازمان د راپور له مخې، په ۲۰۲۵ کال کې له ایران او پاکستان څخه تر ۱.۵ میلیونه زیات افغانان بېرته افغانستان ته ستانه شوي دي.
