پاکستانۍ ورځپاڼې راپور ورکوي، چې د پاکستان او امریکا د بهرنیو چارو وزیران به د روانې اونۍ د پنجشنبې په ورځ، په واشنګټن کې سره وویني.
ټاکل شوې چې په دې مهمه لیدنه کې به د پاکستان د بهرنیو چارو وزیر اسحاق ډار او د دغه هېواد مرستیال لومړی وزیر ګډون ولري.
د لیدنې موخه د دواړو هېوادونو ترمنځ د ستراتيژیکو اړیکو پیاوړتیا او د متقابل همکاریو پراخول بلل شوي دي.
تمه ده چې ښاغلی ډار به لومړی نیویارک ته سفر وکړي، چیرې چې به د ملګرو ملتونو د امنیت شورا لهخوا د سولې او د منځني ختیځ د وضعیت په اړه د غونډې مشري وکړي. له هغې وروسته به نوموړی واشنګټن ته لاړ شي او هلته به د امریکا د بهرنیو چارو له وزیر مارکو روبیو سره د دوهاړخیزو اړیکو په اړه رسمي خبرې وکړي.
