د امریکا د بهرنیو چارو وزیر مارکو روبیو او د پاکستان لومړي وزیر شهباز شریف د ټیلیفون له لارې د منځني ختیځ د روان وضعیت او د ایران او اسراییل ترمنځ د سولې د هڅو په اړه خبرې کړې دي.
د امریکا د بهرنیو چارو وزارت په وینا، وزیر روبیو په خبرو کې ټینګار کړی چې ایران باید اټومي وسلو ته لاسرسی ونه لري، او دا موضوع د نړیوال امنیت لپاره حیاتي ګڼل شوې ده.
دواړو لوریو د سیمې پر ثبات، امنیت، او د دوه اړخیزو همکاریو پر پراخوالي هم موافقه وکړه. ښاغلي روبیو او شهباز شریف ژمنه وکړه چې د ګډو ګټو په برخو کې به خپلې اړیکې لا پیاوړې کړي.
