د پاکستان د پنجاب ایالت په رحیم یار خان ښار کې وسلهوالو کسانو د پولیسو پر یوې پوستې برید کړی، چې له امله یې لږ تر لږه ۵ پولیس افسران وژل شوي او ۲ نور سخت ټپیان شوي دي.د راپورونو له مخې، پېښه د پنجشنبې په ماښام شوې، چې وسلهوالو د پوستې پر مامورینو ناڅاپي برید کړی. ځايي پولیس وايي چې د برید پر مهال د دواړو لوریو ترمنځ نښته شوې او په ځوابي ډزو کې یو وسلهوال بریدګر هم وژل شوی دی.
د ټپیانو حالت د راپورونو له مخې “جدي” بلل شوی او د رحیم یار خان ښار روغتون ته انتقال شوي دي. تر اوسه د پېښې پړه کومې ډلې پر غاړه نه ده اخیستې، خو پولیسو د لا زیاتو څېړنو لپاره پلټنې پیل کړي دي.
یاده پېښه د پنجاب په نسبي امن سیمه کې د پولیسو پر ضد د تاوتریخوالي تازه بېلګه ګڼل کېږي، چې د سیمهییزو امنیتي اندېښنو د زیاتېدو لامل ګرځېدلې ده.
