سرپرست وزارت اقتصاد با نماینده اتحادیه اروپا برای افغانستان دیدارکرده‌است

دین محمد حنیف سرپرست وزارت اقتصاد، امروز با «ویرونیکا»، نماینده اتحادیه اروپا برای افغانستان درباره تداوم کمک‌های بشری و توسعه‌ای این اتحادیه گفت‌وگو کرده‌است.
در خبرنامه‌ای این وزارت آمده‌است که در این دیدار سرپرست وزارت اقتصاد ضمن قدردانی کمک‌های بشری اتحادیه اروپا برای مردم افغانستان، خواستار تداوم کمک‌های بشری و همکاری‌های توسعه اتحادیه اروپا در بخش‌های گوناگون شده‌است.
ازسوی دیگر، نماینده اتحادیه اروپا برای افغانستان تعهد همکاری ازبرگزاری نشستی درآینده نزدیک پیرامون پشتیبانی ازفعالیت‌های کوچک اقتصادی و تشبثات به سرپرست این وزارت را اطمینان داده‌است.
خبرنامه افزوده که دوطرف درباره وضعیت اقتصادی، پلان‌ها، برنامه‌ها و اولویت‌های اقتصادی سخن‌زده اند.
نماینده اتحادیه اروپا اطمینان داده که واقعیت‌های عینی، دیدگاه‌ها و پیش‌نهادهای وزارت اقتصاد را با اعضای اتحادیه اروپا و جامعه جهانی به اشتراک می‌گذارد.