د امریکا پخواني ولسمشر بارک اوباما د ډیموکراټ ګوند مشران سخت غندلي او نیوکه یې کړې چې د پخواني ولسمشر ډونالډ ټرمپ د سیاستونو پر وړاندې چوپ پاتې دي.
اوباما ویلي، چې د ګوند ځینې مشران د واک له وېرې څه نه شي ویلای، او دا چوپتیا یې د اصولو خلاف بللې. هغه په ځانګړي ډول هغو شتمنو کسانو ته هم اشاره کړې، چې د خپلې شتمنۍ د خوندیتوب لپاره له ټرمپ سره پټ جوړجاړی کړی دی.
اوباما زیاته کړې: “ډیموکراټان باید د ستونزو پر مهال هم د خپل ګوند ارزښتونه وساتي. د بیان ازادي هغه ارزښت دی، چې هېڅکله باید پرې معامله و نه شي.”
نوموړي ټینګار کړی، چې د امریکا ټولنیز پرمختګ ټکنی شوی او د ګوند رهبران باید د خلکو د شکایتونو پر ځای عملي اقدامات وکړي، څو راتلونکې ټاکنې وګټي.
