د بلخ ولایت شولګرې ولسوالۍ کې د ماین چاودنې په پایله کې ۲۰ تنو تنه مرګ ژوبله اوښتې ده.
پيښه نن پنجشنبه له غرمې وروسته شاوخوا یوه بجه د شولګرۍ ولسوالۍ روغتون ته څيرمه شوې ده.
د بلخ د والي ویاند، منیر احمد فرهاد وايي د سیمه ییزو پولیسو قومندان، نظر ګل د دې چاودنې هدف و.
بله خوا، بلخ د پولیسو ویاند، عادل شاه عادل ویلي چې ماین د ښاغلي نظر ګل موټر کې د ننه ایښودل شوی و.
د پيښې قربانیانو کې ملکي وګړي او سیمه ییز سرتیري شامل دي.
سرچینې وایي نظر ګل، د هغه یوزوی او څو تنه ساتونکي ټپیان شوي دي.
د بلخ شولګره ولسوالي یو نا امنه ولسوالي ده چې وخت نا وخت پکې داسې پيښې کیږي.
