میاخیل: طالبان د جګړې له لارې خپلو موخو ته نشي رسیدلی

د ملي دفاع وزارت لومړی مرستیال، شاه محمود میاخیل وایي طالبا نشي کولی چې د جګړې له لارې خپلو موخو ته ورسیږي.

ښاغلي میاخیل نن یک شنبه د پوځ د یو شمیر افسرانو د فراغت لمانځغونډه کې خبرې کولې.

هغه ټینګار وکړ چې د هیواد پوځیان طالبانو سره هر ډول مبارزې ته پوره چمتووالی لري.

دا په داسې حال کې دي چې د بین الافغاني خبرو پیلیدو سره هیواد کې د جګړې شدت زیات شوی او هره ورځ لسګونه سرتیرو او ملکي خلکو ته مرګ ژوبله اوړي.

د تاوتریخوالي دغه زیاتوالي د سنا جرګې د یو شمیر استازو غبرګون هم پورته کړی دی.

یو شمیر سناتورانو د جګړې دوام او د ملکی خلکو وژنه د اسلامي او اخلاقي اصولو خلاف بللي دي.