پاکستانی کرېکټر ناصر جمشيد په ۱۷ مياشتني بند محکوم شو

ادارې ويلي دغو درې واړو لوبغاړو په کال ۲۰۱۷م کې په دوبۍ کې د پاکستان سپرليګ په سیاليو کې هم سپاټ فکسنګ کړی او په دغه لړ کې انور دوبۍ ته تللی هلته یې د اسلام اباد يونايټډ د دوه لوبغاړو خالد لطيف او شرجيل خان سره لیدلي او هغوی ورسره سلا شوي وو.

د اېن سي ای په وېنا ناصر جمشېد د فبرورۍ په ۱۳مه په برمنګهم کې په خپل کور کې نيول شوی، انور د دوبۍ نه په واپسۍ په هېترو هوايي اډه او اعجاز لس ورځې وروسته په شيفلډ کې نيول شوي وو.

دغه درې واړه لوبغاړي د بریټانیا تابعیتونه لري.

عدالت ته د ناصر جمېشد د ۱۷ مياشتو د بند سره، يوسف انور ته د درې کالو، څلورو میاشتو او محمد اعجاز ته د دوه کالو او شپږو مياشتو بند سزا اورولې ده.

دا لومړی ځل نه دی چې پاکستاني لوبغاړي په لوبو کې د درغلۍ په جرم بندیان کیږي، بلکې له دې وړاندې هم پاکستاني لوبغاړو باندې داسې تورونه ثابت شوي دي.