همزمان با روز جهانی افراد دارای معلولیت، کمیته‌ی جهانی صلیب سرخ اعلام کرده است که سالانه نزدیک به ۱۳ هزار تن در افغانستان معلول می‌شوند.
امروز پنج‌شنبه سیزدهم قوس روز جهانی معلولان نام‌گذاری شده تا جامعه‌ی جهانی بار دیگر برای یاری رساندن به اقشار آسیب دیده جامعه بسیج شوند.
نجم‌الدین سروری، رییس بیمارستان صلیب سرخ در کابل می‌گوید که بربنیاد آمار این بیمارستان، در حال حاضر بیش از ۲۰۰ هزار تن در افغانستان معلول اند.
