هند نزدیک به ۵ تُن واکسین به افغانستان کمک کرد

هندوستان نزدیک به ۵ تُن واکسین به وزارت صحت عامه افغانستان کمک کرده‌است.
وزارت صحت عامه روزگذشته (سه‌شنبه ۲ ثور) در خبرنامه‌ای گفته‌است که دولت هند ۴.۸ تُن واکسین برای بیماری‌های گوناگون به این وزارت کمک کرده‌است.
در خبرنامه این وزارت آمده که این واکسین‌ها برای پیش‌گیری از بیمارهای مانند: سگ دیوانه، تیتانوس، زردی سیاه( هیپاتیتس بی) و انفلونزا کمک شده‌است.
وزارت صحت عامه افزوده که این واکسین‌ها می‌تواند جان هزاران تن را نجات دهد و در مبارزه با بیماری‌های خطرناک مؤثر باشد.