عبدالغنی برادر آخند، معاون اقتصادی ریاست‌الوزرا برای گسترش روابط سیاسی و اقتصادی به اوزبیکستان سفر کرده است.
معاونت اقتصادی ریاست‌الوزرا در خبرنامه‌ای اعلام کرده که عبدالغنی برادر آخند امروز شنبه (۴ حوت) برای مدت دو روز به تاشکند رفته است. در این خبرنامه آمده که در این سفر، موضوعاتی چون توسعه روابط سیاسی، اقتصادی، بازرگانی و جذب سرمایه‌گذاران در بخش‌های مختلف میان دو کشور مورد بحث قرار خواهد گرفت.
همچنین در این سفر، هدایت‌الله بدری، سرپرست وزارت معادن و پترولیم، حمیدالله آخندزاده، سرپرست وزارت ترانسپورت و هوانوردی، نورالدین عزیزي، سرپرست وزارت صنعت و تجارت، عطاءالله عمری، سرپرست وزارت زراعت، آبیاری و مالداری، نوراحمد آغا، رئیس بانک مرکزی افغانستان، عبدالمتین سعید و معاون عواید و گمرکات وزارت مالیه، معاون اقتصادی ریاست‌الوزرا را همراهی می‌کنند.
عبدالغنی برادر آخند برای تقویت روابط سیاسی و اقتصادی به اوزبیکستان سفر کردگفتنی‌است که پیش از این عبدالله عارف‌اوف، صدراعظم اوزبیکستان در دیداری با امیرخان متقی، سرپرست وزارت خارجه، از صدور ویزا به بازرگانان، بیماران و محصلین افغان اطمینان داده بود.
