تأکید مقام‌های افغانستان و اوزبیکستان برگسترش همکاری‌های ریلی

محمد اسحاق صاحب‌زاده، معين خط آهن وزارت فواید عامه درسفری به اوزبیکستان با رهبری اداره خط آهن اوزبیکستان و وزير ترانسپورت آن کشور دیدار کرده‌است.
بربیناد آگهی‌نامه وزارت فواید عامه، این سفربه‌منظور گسترش «همکاری‌های ریلی» به دعوت رسمی ازبيکستان انجام شده‌است.
آگهی‌نامه افزوده که دو طرف درباره افزایش انتقالات از مسيرخط آهن «حيرتان-مزارشريف» و گسترش همکاری‌های دوجانبه ریلی گفت‌وگو کرده‌اند.
درآگهی‌نامه آمده که آقای صاحب‌زاده با محکموف، وزير ترانسپورت اوزبيکستان درباره چگونگی آغاز کار عملی پروژه «افغان–ترانس» و تسريع هماهنگی در اين بخش نیز گفت‌وگو کرده‌است.
پیش از این عبدالله عارفوف، نخست وزیر اوزبیکستان در سفری به افغانستان، پنج موافقت‌نامه بازرگانی و سرمایه‌گذاری میان دو کشور را امضا کرده بود.