همکاری اوزبیکستان دربخش پروژه‌های توسعه‌ای درافغانستان

نورالدین عزیزی، سرپرست وزارت صنعت و تجارت روزگذشته (دوشنبه ۱۹قوس) با «آیبیک عثمانوف»، سفیر اوزبیکستان درکابل دیدار کرده‌است.
براساس آگهی‌نامه این وزارت، دوطرف درباره تخصیص زمین برای ایجاد کارخانه‌ سمنت درسمنگان، گرفتن جواز به‌منظور انتقال ماشین‌آلات و تجهیزات از اوزبیکستان به افغانستان برای عملی‌سازی پروژه‌های توسعه‌ زمین‌شناسی درمنطقه‌های شمال کشور، گرفتن سرتیفیکت استاندارد افغانستان برای دیزل مصنوعی اوزبیکستان، گفت‌وگو کرده‌اند.
آگهی‌نامه افزوده که سرعت بخشیدن در اجرای پروژه ایجاد خط انتقال برق (سرخان – پلخمری) و امتداد آن تا شهر «جلال‌آباد» ولایت ننگرهار، توسعه مرکز تجارت بین‌المللی «ترمذ»، ایجاد شفاخانه و تجهیزات رهایشی، توسعه بازار ترمز به طرف افغانستان و برگزاری نمایشگاه بین‌المللی حلال در ترمذ نیز از موضوع‌های این گفت‌وگو بوده‌است.
درآگهی‌نامه آمده که آقای عثمانوف از سرپرست وزارت صنعت و تجارت برای سفر به اوزبیکستان دعوت کرده‌است.
جای ذکر است که پیش ازاین موضوع‌های گفت‌وگو در این دیدار، درسفر آقای عزیزی، سرپرست وزارت صنعت و تجارت به اوزبیکستان و سفر صدراعظم آن کشور به افغانستان نیز تفاهم شده بود.