محمد یونس راشد، معین جوانان وزارت اطلاعات و فرهنگ درگفت‌وگو اختصاصی با تلویزیون «یک» می‌گوید که نزدیک به ۷۰ درصد از نفوس افغانستان را جوانان تشکیل می‌دهد؛ به توجه بیش‌تری نیاز دارند.
آقای راشد تأکید می‌کند که در چند سال پسین خاصتا در جنگ‌ها، جوانان از هر لحاظی متضرر شده‌اند؛ ولی امارت اسلامی برنامه‌هایی را برای بهبود اوضاع زند‌گی آنان، دارد.
او ه فرار جوانان را جز از برنامه‌های دشمنانی دانسته که نزدیک به چهل سال در افغانستان جنگ کرده‌اند. وی افزوده که به چالش‌های آنان، امارت اسلامی رسیدگی می‌کند.
معین جوانان وزارت اطلاعات و فرهنگ تصریح کرد: « امارت اسلامی مصمم است تا به چالش‌های جوانا در کشور، رسیدگی کند و ده‌ها هزار جوان درحال حاضر در اداره‌های حکومت مصروف کار هستند.»
افغانستان تنها کشوری‌ست درمنطقه که بیش‌ترین جمعیت آن‌را جوانان تشکیل می‌دهد.
شماری از جوانان افغان وضعیت شان را در مقایسه با جوانان دیگر کشورها بسیار نامطلوب دانسته و خود را یک نسل فراموش شده می‌پندارند. بی‌کاری و ناداری از برجسته‌ترین چالش‌های فراروی جوانا کشور گفته شده‌است.
معین جوانان وزارت اطلاعات و فرهنگ: ۷۰درصد نفوس افغانستان جوانان است
About the author
