معین وزارت زراعت با مسؤولان مؤسسه نه‌آنلوس دیدارکرد

وزارت زراعت ومالداری درآگهی‌نامه‌ای گفته‌است که صدراعظم عثمانی معین «زراعت ومالداری» این وزارت با مسؤولان پروژه مؤسسه «نه‌آنلوس» دیدار کرده است.
براساس آگهی‌نامه این وزارت، آقای عثمانی ضمن قدردانی ازفعالیت این مؤسسه، درباره شفاف بودن فعالیت پروژه‌ها سخن‌زده وازمسؤولان این مؤسسه خواستار ارائه اطلاعات فنی به فارم داران، مرغ‌داران و باغ‌داران شده‌است.
وی افزوده: « درپروژه‌هایی که درکشور فعالیت می‌کنند، باید شفافیت و مؤثریت را در نظر بگیرند، به‌گونه صادقانه فعالیت کنند، هدفشان مشخص باشد و به مسوولان فارم‌های مرغ‌داری و باغچه‌های خانگی اطلاعات تخنیکی ارائه دهند.»
ازسوی‌دیگر، مسؤولان مؤسسه نه‌آنلوس از آغاز فعالیت‌های جدید شان از پرداختن ۲۴۰هزار یورو برای تطبیق بخش فارم‌های مرغ‌داری و باغچه‌های خانگی در ولایت‌های کابل وکاپیسا به ۲۰۰خانواده تعهد کرده‌اند.