«مسعود پزشکیان» رییس جمهور ایران در حاشیه هفتاد و نهمین نشست مجمع عمومی سازمان ملل متحد با «امام علی رحمان» رییس جمهور تاجیکستان دیدار کرده و در این دیدار، رییسان جمهور دو کشور نگرانی‌های خود را از اوضاع افغانستان ابراز داشته‌اند.
رییس‌جمهور ایران، افغانستان را موضوع مشترک برای هردو کشور دانسته و بر ضرورت همگرایی و همکاری بیشتر برای حل چالش‌ها و مسایل در این مورد تأکید کرده‌است.
سیداکبر سیال وردک یک تن از کارشناسان سیاسی به تلویزیون یک گفت:«امارت اسلامی به تعهدات نشست دوحه عمل کرده و کشورهای منطقه و جهان نباید در قبال افغانستان نگران باشند.»
این درحالی‌ست که رییس جمهور تاجیکستان در هفتاد و نهمین نشست مجمع عمومی سازمان ملل از جامعه بین‌المللی خواسته تا برای جلوگیری از وقوع بحران انسانی در افغانستان کمک کند. او تأکید کرده که تاجیکستان از صلح و ثبات پایدار در افغانستان پشتیبانی می‌کند.
رییسان جمهور ایران و تاجیکستان در باره افغانستان گفت‌وگو کردند
About the author
