در صفحه ایکس مجاهد آمده‌است که بخت‌الرحمان شرافت، معین پیشین خط آهن وزارت فواید عامه منحیث معین مالی و اداری وزارت صحت عامه، محمد اسحاق صاحب‌زاده، معین پیشین مالی و اداری وزارت صحت عامه به‌حیث معین خط آهن وزارت فواید عامه، نثار احمد نصرت، والی پیشین ولایت کندوز منحیث معین انکشاف دهات وزارت احیا و انکشاف دهات، تعیین شده‌اند.
در آگهی‌نامه افزوده که محمدخان دعوت، فرمانده پیشین قول اردوی ۲۰۵ البدر منحیث والی ولایت کندوز و حیات الله مبارک، ولسوال پیشین ولسوالی گرشک ولایت هلمند به‌حیث والی ولایت غور گماشته شده‌اند.
آقای مجاهد افزوده است که احمدشاه دین‌دوست، والی پیشین ولایت غور به‌حیث فرمانده قول اردوی ۲۰۵ البدر، عبدالولی اتقانی، رییس پیشین منابع بشری وزارت زارعت، آبیاری و مالداری به‌حیث فرمانده امنیه ولایت جوزجان، عبدالسلام حسینی، ولسوال پیشین ولسوالی موسا قلعه ولایت هلمند منحیث فرمانده امنیه ولایت کاپیسا و حاجی نور آقا حیدر، آمر پیشین امنیت فرماندهی امنیه ولایت بادغیس منحیث فرمانده امنیه ولایت غور تعیین گردیده‌اند.
براساس آگهی‌نامه، حفیظ الله پهلوان، فرمانده امنیه پیشین ولایت جوزجان منحیث آمر امنیت فرماندهی امنیه ولایت بادغیس، عزیزالله مصطفا، رییس پیشین معارف ولایت ننگرهار به‌حیث معاون والی این ولایت، حاجی محمدعثمان قومندان امنیه پیشین ولایت کاپیسا منحیث رییس منابع بشری وزارت زراعت، آبیاری و مالداری و رحمت الحق فضیل، معین پیشین مالی و اداری وزارت امور خارجه به حیث عضو دارالافتا مرکزی تعیین شده‌اند.
